«Мектептерге арналған PISA» халықаралық зерттеуінің дайындығы

• 6 қараша 2025
• Оқылған саны: 10727

2025 жылдың 24 қарашасы мен 5 желтоқсан аралығында облыстың 41 жалпы білім беретін мектебінде «Мектептерге арналған PISA» халықаралық зерттеуі өткізіледі.

Ағымдағы жылдың 6 қараша күні халықаралық зерттеуге қатысатын мектептер үшін онлайн форматта түсіндірме вебинар өткізілді. Аталған зерттеуге облыс бойынша келесі білім беру ұйымдары іріктелді:

• Ақтау қаласынан – 9 жалпы білім беретін мектеп және 1 облыстық мектеп;

• Бейнеу ауданынан – 4 жалпы білім беретін мектеп;

• Жаңаөзен қаласынан – 6 жалпы білім беретін мектеп және 1 облыстық мектеп;

• Қарақия ауданынан – 3 жалпы білім беретін мектеп;

• Маңғыстау ауданынан – 8 жалпы білім беретін мектеп;

• Мұнайлы ауданынан – 6 жалпы білім беретін мектеп;

• Түпқараған ауданынан – 3 жалпы білім беретін мектеп.

Вебинар барысында Білім берудің оқу-әдістемелік орталығының директоры К. Мирова және директордың орынбасары Ж. Жұмабаева халықаралық зерттеудің маңыздылығына тоқталып, дайындық жұмыстарының жүйелі түрде жүргізілуі қажеттігін атап өтті.

Зерттеу аясында 15 жас 3 айдан 16 жас 2 айға дейінгі оқушылар қамтылады. Олардың оқу, математикалық және жаратылыстану-ғылыми сауаттылықтарын арттыру мақсатында пән мұғалімдері PISA форматындағы тапсырмаларды оқу үдерісіне енгізіп, функционалдық сауаттылықты дамытуға бағытталған дайындық жұмыстарын жүргізуі қажет.

«Мектептерге арналған PISA» халықаралық зерттеуіне сапалы дайындық жұмыстарын ұйымдастыру – оқушылардың функционалдық сауаттылығын дамытуға, білім сапасын арттыруға және халықаралық деңгейдегі білім беру көрсеткіштерін жақсартуға мүмкіндік беретіндігі аталды.

Вебинар барысында жалпы білім беретін мектеп басшылары кері байланыс жүргізді.