Дөңгелек үстел өтті.

• 25 қыркүйек 2023
• Оқылған саны: 16904

2023 жылғы 25 қыркүйек күні облыстық білім басқармасының конференция залында білім жетістіктері мониторингінің нәтижелері (бұдан әрі - ББЖМ) бойынша дөңгелек үстел өтті.

Оған біздің облыс бойынша таңдап алынған 19 білім беру ұйымының басшылары мен Қазақстан Республикасының білім сапасын қамтамасыз ететін комитетінің бұйрығымен бекітілген менторлар қатысты.

Дөңгелек үстел барысында облыстық білім берудің оқу-әдістемелік орталығы директорының орынбасары Ж. Жұмабаева ББЖМ бойынша жалпы түсінік беріп, алдағы атқарылатын жұмыстарға жауапкершілікпен қарауды және жүйелі жұмыстар жүргізілу керектігін айтты.

Сонымен қатар, Ақтау қаласының №19 мектеп-гимназия директоры М. Әбдиева, Жаңаөзен қаласының №22 жалпы білім беретін мектеп директоры З. Құсайынова өз мектептерінің мектеп ішілік бақылау жоспары бойынша жасалған жұмыстары туралы мәлімет беріп, іс-тәжірибелерімен бөлісті.