«Білім беру ұйымдарында тамақтандыруды сапалы ұйымдастыру» тақырыбында әдістемелік көмек көрсету семинары өтті.

• 13 қыркүйек 2024
• Оқылған саны: 367

2024 жылғы 13 қыркүйек күні Білім берудің оқу-әдістемелік орталығының ұйымдастыруымен Маңғыстау облысының білім басқармасы басшысының орынбасары Г. Мамаеваның қатысуымен «Білім беру ұйымдарында тамақтандыруды сапалы ұйымдастыру» тақырыбында әдістемелік көмек көрсету семинары өтті.

Семинарға Мұнайлы ауданы санитарлық-эпидемиологиялық басқармасының басшысы, Ақтау қаласындағы химия-биология бағытындағы Назарбаев Зияткерлік мектебінің диетбикесі, аудандық білім беру ұйымдары мен мектепке дейінгі ұйымдардың басшылары, тәрбие жөніндегі орынбасарлары, әлеуметтік педагогтері, медбикелер мен қамқоршылық кеңес төрағалары қатысты.

Семинарда Мұнайлы ауданының санитарлық-эпидемиологиялық басқармасының басшысы Б. Исаева білім беру ұйымдарында ыстық тамақпен қамту мәселесіне қойылатын санитарлық эпидиомологиялық талаптар жөнінде айтып өтті.

Ақтау қаласындағы химия-биология бағытындағы Назарбаев Зияткерлік мектебінің диетбикесі А. Күзбаева мектеп асханасында оқушылардың тамақтануын ұйымдастырудың негізі ережелерімен таныстырды.

Мұнайлы ауданының Ш. Мұңалұлы атындағы № 5 жалпы білім беретін мектеп директоры Ж. Бөкен білім беру ұйымдарыңдағы тамақтандыруды ұйымдастырудағы талаптар туралы айтты.

Ақтау қаласының №21 жалпы білім беретін мектептің әлеуметтік педагогі Г. Өтесін әлеуметтік педагогтің мектеп асханасындағы қызметі жөнінде айтып өтті.

Отырыс соңында білім білім беру ұйымдары мен мектепке дейінгі ұйымдардың басшыларына тиісті тапсырмалар беріліп, жұмыстар міндеттелді.

Семинарға қатысушылар сұрақтарын қойып, ұсыныс-пікірлерін білдірді.