Облыстық оқу-әдістемелік және қосымша білім беру орталығы : Орталық жаңалықтары : «ІТ саласының трендтерін білім беру үдерісінде тиімді пайдалану» тақырыбындағы республикалық семинар-практикум онлайн форматта өтті.

«ІТ саласының трендтерін білім беру үдерісінде тиімді пайдалану» тақырыбындағы республикалық семинар-практикум онлайн форматта өтті.

30 мамыр 2024
Оқылған саны: 16

Бүгін, 2024 жылғы 30 мамыр күні Жаңаөзен политехникалық колледжінде білім берудің оқу-әдістемелік орталығының ұйымдастыруымен «ІТ саласының трендтерін білім беру үдерісінде тиімді пайдалану» тақырыбында республикалық семинар-практикум (онлайн форматта) өтті.

Шараға Республика бойынша техникалық және кәсіптік, орта білімнен кейінгі білім беру ұйымдарының басшы, басшының оқу-ісі, оқу-әдістемелік, оқу-өндірістік жұмыстар жөніндегі орынбасарлары мен әдіскерлер, барлығы 80-ге жуық адам қатысты.

Семинар-практикумның мақсаты – Жаңаөзен политехникалық колледжі мен «Astana Polytechnic жоғары колледжі» арасындағы 2024 жылғы 13 ақпандағы меморандумы аясында өзге өңірлердің техникалық және кәсіптік, орта білімнен кейінгі білім беру ұйымдарындағы ІТ саласын дамыту бағытындағы жұмыстарымен танысу және педагогтерімен тәжірибе алмасу.

Семинар қатысушылары технология индустриясы мамандарының ортасында дағдыларды жетілдіру, ел экономикасын цифрландыруға үлес қосудағы өзге өңірлердегі (Астана, Алматы, Ақтөбе, Қызылорда) техникалық және кәсіптік, орта білімнен кейінгі білім беру ұйымдарындағы ІТ саласын дамыту бағытындағы жұмыстарымен танысып, пікір алмасты, ұсыныстар білдірді.