"Қорытынды аттестаттауға дайындау" тақырыбында вебинар өтті

• 29 сәуір 2021
• Оқылған саны: 1668

29.04.2021ж күні, сағат 16.00-де математика пәні мұғалімдерінің қауымдастығының жоспарына сәйкес «2020-2021 оқу жылында математика (алгебра) пәні бойынша 9(10) сыныптардың білім алушыларын қорытынды аттестаттауға дайындау» тақырыбында вебинар өткізілді.

Спикерлер:

Мұнайлы ауданы №6 жалпы білім беру мектебінің математика пәні мұғалімі Актилевов Абай Аманбергенұлы

ІТ лицейінің математика пәні мұғалімі – Диханова Жүзім Сыдиыковна.

2020-2021 оқу жылындағы 9 – сынып білім алушыларын қорытынды аттестаттаудағы бағалау мақсаты, оқу бағдарламасымен және критериалды бағалау жүйесімен өзара байланысы, емтихан жұмысының сипаттамасы, орындау уақытының ұзақтығы, бағалау міндеттері, емтихан жұмысына балл қою және баға беру процесімен таныстырылды.

Білім алушыларды қорытынды аттестаттау жаңартылған білім беру мазмұны бойынша негізгі орта білім беру деңгейінің 7-9 сыныптары үшін «Алгебра» пәнінен үлгілік оқу бағдарламасының мазмұнын қамтиды.

Қорытынды аттестаттау критериалды бағалау жүйесінің бөлігі болып табылады, осы жүйеге қалыптастырушы бағалау және ішкі жиынтық бағалау кіреді.

Емтихан жұмысы екі бөлімнен тұрады: А бөлімі көп таңдауды қажет ететін сұрақтардан, В бөлімі қысқа және толық жауапты қажет ететін сұрақтардан тұрады.

Білім алушыларды қорытынды аттестаттауға дайындау кезеңінде қандай тақырыптарға мән берілу керектігі және тапсырманы тексеру барысында неге көбірек көңіл бөлінетіндігі атап көрсетілді

29 сәуір 2021 жыл

16:00

#Маңғыстау_облыстық_оқу_әдістемелік_және_қосымша_білім_беру_орталығы