Облыстық оқу-әдістемелік және қосымша білім беру орталығы : Орталық жаңалықтары : "Ұлт тағдыры - бүгіннен" тағылымдық-ақпараттық жобасы аясында Ақұштап Бақтыгереевамен кездесу өткізілді.

"Ұлт тағдыры - бүгіннен" тағылымдық-ақпараттық жобасы аясында Ақұштап Бақтыгереевамен кездесу өткізілді.

23 қыркүйек 2023
Оқылған саны: 545

2023 жылдың 20-22 қыркүйек күндері "Айрық" қоғамдық қоры мен орталықтың бірлескен жоспарына сәйкес, "Ұлт тағдыры - бүгіннен" тағылымдық-ақпараттық жобасы аясында Ақұштап Бақтыгереевамен кездесу өткізілді.

Ақ Жайықтың ғана емес, қазақ поэзиясының ақ шағаласы атанған ақынның кездесуі Мұнайлы ауданының 7-мектебінен бастау алды. Қазақ әйелінің ар-намысын ту етіп жүрген ақынның өлеңдерін өз аузынан есту қандай әсерлі болса, өткен тарихтың естеліктерін тыңдау сондай ғанибет еді. Өз кезегінде оқушы қыздар мен мұғалімдер де ақын өлеңдерін оқып, сауалдарын қойды. Кездесу Ақтау, Жаңаөзен қалаларында жалғасын тапты.