«DigitalSkills Aktau 2024» өңірлік чемпионатын ұйымдастыруға арналған форсайт-сессия өтті

• 27 наурыз 2024
• Оқылған саны: 555

Бүгін, 2024 жылғы 27 наурыз күні Ақтау қаласындағы Халел Өзбекғалиев атындағы Маңғыстау политехникалық колледжінде “DigitalSkills Aktau 2024» өңірлік чемпионатын ұйымдастыру және өткізу” тақырыбында форсайт-сессия ұйымдастырылды.

Техникалық делегаттарды, бас сарапшылар мен компатриот сарапшыларды «WorldSkills Kazakhstan» республикалық шеберлік чемпионатының құрамдас бөлігі «DigitalSkills Aktau 2024» өңірлік чемпионатын Worldskills стандарттарына сәйкес сапалы ұйымдастыру мен өткізуге дайындау мақсатында өткен сессияға 60-қа жуық адам қатысты.

Форсайт-сессияда спикерлер тарапынан 2024 жылғы чемпиоантты өткізудегі ерекшеліктер, чемпионаттағы бас сарапшының рөлі, Worldskills стандарттарына сәйкес чемпионат тапсырмаларын бағалау жолдары, CIS жүйесінде жұмыс жүргізудің жолдары туралы баяндамалар оқылып, өзгерістермен таныстырылды.

Спикерлер мен қатысушылардың сұрақ-жауап, пікір алмасуынан кейін әр құзыреттіліктің бас сарапшылары мен компатриот сарапшылары топтарға бөлініп, чемпионатқа дайындық барасын талқылады.