«Sanaly urpaq» еріктілер клубтарының облыстық слеті өтті.
Білім берудің оқу-әдістемелік орталығының ұйымдастыруымен ағымдағы жылдың 20 желтоқсан күні Маңғыстау туризм колледжінің қабырғасында қоғамда сыбайлас жемқорлық, адалдық, парасаттылық көріністеріне төзбеушілік мәдениетін қалыптастыру мақсатында "Саналы ұрпақ" клубтарының облыстық слеті өтті.
Слет аймақтағы әр колледжде ұйымдастырылған "Саналы ұрпақ" клубтарының белсенділері мен жетекшілерін біріктірді. Олардың қызметі құқықтық білім мен сыбайлас жемқорлыққа қарсы мәдениетті насихаттауға бағытталған.
Іс-шараға Сыбайлас жемқорлыққа қарсы іс-қимыл агенттігінің Маңғыстау облысы бойынша департаменті Превенция басқармасының бас маманы Н.Мұқатай қатысып, студенттік ортада адамгершілік құндылықтарды ілгерілетудің маңыздылығына тоқталып өтті.
Шара аясында жастардың «Сыбайлас жемқорлыққа жол жоқ!» тақырыбында салған суреттерінен көрме ұйымдастырылды. Студенттер өздерінің актерлік қабілеттерін көрсете отырып, сюжеттік қойылымдар қойды.
Сонымен қатар, әлеуметтік желі арқылы ұйымдастырылған #жастаржемқорлыққақарсы байқауының жеңімпаздары марапатталды.
Слет соңында Сыбайлас жемқорлыққа қарсы мәдениеттің алдын алу ісіндегі белсенділігі үшін колледждерге Білім басқармасының және білім берудің оқу-әдістемелік орталығының алғыс хаттары табысталды.
__1ed88fedea8154d3e0168c0bfedb81fc.png)