«Арт-терапия тәсілі арқылы ерекше білім беру қажеттіліктері бар балалармен түзету әдістері» тақырыбында облыстық онлайн семинар өтті

• 27 қыркүйек 2023
• Оқылған саны: 622

Білім берудің оқу әдістемелік орталығының іс-шаралар жоспарына сәйкес, 2023 жылдың 27 қыркүйек күні «Арт-терапия тәсілі арқылы ерекше білім беру қажеттіліктері бар балалармен түзету әдістері» тақырыбында облыстық онлайн семинар өтті. Жалпы білім беру ұйымдарында арт-терапия тәсілі арқылы ерекше білім беру қажеттіліктері бар балалардың психологиялық және әлеуметтік саласындағы оң өзгерістерге қол жеткізуін тиімді ұйымдастыру және жұмыс жүргізетін мамандар арасында ынтымақтастық қалыптастыру мақсатында өткізілген семинарға білім беру ұйымдарынан 90-ға жуық арнайы педагогтер қатысты.

Семинар барысында:

Тасбулатова Тузелхан Жетпісбайқызы, Мұнайлы ауданы №4 жалпы білім беретін мектептің педагог-дефектологы

- «Арт-терапия техникаларын ерекше білімді қажет ететін оқушыларға танымдық қабілеттерін жақсарту мақсатында қолдану»;

Жангалиева Алия Орынғалиқызы, Қарақия ауданы №3 жалпы білім беретін мектептің педагог-ассистенті

- «Арт-терапияның бала дамуына әсері»;

Ниязбаева Жанат, Түпқараған ауданы Ж. Мынбаев атындағы мектеп-гимназиясының дефектологы

- «Құм терапиясы» тақырыптарында өз іс-тәжірибелерімен бөлісті.

Семинар соңында қатысушылар өзара пікір алмасып, Google сілтеме арқылы кері байланыс жасады.