«Бастауыш сыныпта білім беру сапасын арттыру мен инклюзивті білім берудің педагогикалық құралдары» тақырыбында облыстық семинар өтті

• 2 қазан 2023
• Оқылған саны: 1098

2023 жылғы 21 қыркүйек күні Білім берудің оқу-әдістемелік орталығының іс-шаралар жоспарына сәйкес, Ақтау қаласы, И.Жанболатова атындағы №15 жалпы білім беретін мектепте «Бастауыш сыныпта білім беру сапасын арттыру мен инклюзивті білім берудің педагогикалық құралдары» тақырыбында бастауыш сынып мұғалімдеріне облыстық семинар өтті. Семинарға аудан,қаладан 60 мұғалім қатысты.

Облыстық семинарда:

Тоғысова Жамила Айтуарқызы, педагог-зерттеуші, ОББОӘО бастауыш сынып әдіскері, «Ерекше білім беру қажеттіліктері бар балалардың жеке білім беру траекториясын жоспарлауды үйрету»;

Балмұханова Майра Найзабекқызы, педагог-зерттеуші, Ақтау қаласы, Жайсаң жеке бастауыш мектеп-гимназиясының бастауыш сынып мұғалімі «Бастауыш сынып оқушыларының математика сабағында функционалдық сауаттылығын дамыту» ;

Қаламбаева Ұлбала Маратқызы, педагог-сарапшы,Қарақия ауданы, Жалпы білім беретін мектеп – гимназиясының бастауыш сынып мұғалімі «Оқу сауаттылығын арттырудағы тиімді әдіс – тәсілдер»;

Қоңырбаева Нұрғаным Аманқосқызы, педагог-зерттеуші, Ақтау қаласы, №22 мектеп- гимназиясының бастауыш сынып мұғалімі «Оқушылардың функционалдық сауаттылығын арттыру- сапалы білім кепілі-іс тәжірибе»

Мұратқали Ләззат Мұратқалиқызы, Ақтау қаласы, №19 мектеп - гимназиясының бастауыш сынып мұғалімі «Ерекше білім беру қажеттілігі бар балаларды арнайы жағдайлар жасай отырып, жалпы білім беру үдерісіне енгізу»

Өтешова Амангүл Тасқарақызы, Ақтау қаласы, №10 жалпы білім беретін мектептің бастауыш сынып мұғалімі, «Ерекше білімді қажет ететін балалармен жүргізілетін әдіс-тәсілдер» тақырыбында әдіс – тәсілдерімен бөлісті.

Семинар соңында кері байланыс жасалып, сауалнама алынды. Қатысушылар ұйымдастырушылар мен спикерлерге ризашылықтарын білдірді.