«Білім беру платформалары мен электронды ресурстарды қолдану» тақырыбындағы облыстық вебинар өтті.

• 11 мамыр 2023
• Оқылған саны: 1026

Білім берудің оқу-әдістемелік орталығының іс-шаралар жоспарына сәйкес, әдістемелік қолдау көрсету және іс-тәжірибе тарату мақсатында 2023 жылдың мамыр айының 11 күні облыс көлеміндегі жалпы білім беретін мектептердің педагогтеріне арналған облыстық вебинар өткізілді.

Семинардың мақсаты - Жаңа педагогикалық идеялар мен білім беру технологияларын пайдалану арқылы оқушылардың пәнге деген қызығушылығын арттыру, оқушылар шығармашылығын дамыту, білім сапасын арттыру.

Семинарға әр аудан/қаладан және облыстық білім беру ұйымдарының 86 информатика пәні мұғалімдері қатысты.

Семинарда аудан/қаладан 5 баяндамашылар тәжірибелерімен бөлісті:

1. Жұмаева Назгүл Қаратайқызы, Ақтау қаласы №9 жалпы білім беретін орта мектептің информатика пәні мұғалімі «Quizizz – платформасы арқылы тест құрастыру»;

2. Қайнарбаева Гүлжайна Қалиханқызы, Қарақия ауданы, Қарақұдық жалпы білім беретін мектептің бастауыш сынып мұғалімі «Umaıgra платформасын қолдану арқылы оқушылардың белсенділігін арттыру»

3. Қорбақова Ботакөз Қуанышқызы, Бейнеу ауданы, Бейнеу лицейінің информатика пәні мұғалімі «Информатиканы оқытуға арналған электрондық ресурстар»;

4. Мамакова Парида Полатқызы, Қарақия ауданы №4 жалпы білім беретін мектебінің информатика пәні мұғалімі «Canva қосымшасымен жұмыс жасаудың тиімділігі»;

5. Өтегенова Нұргүл Базарбайқызы, Бейнеу ауданы «Абай атындағы жалпы білім беретін орта мектептің информатика пәні мұғалімі «Learningapps – платформасының тиімділігі» тақырыптарында тәжірибелерімен бөлісті.

Семинарда педагогтер іс-тәжірибе алмасып, cұрақ-жауап қойып, пікірлерімен бөлісті.