«Қазақшаң қалай, балақай?» байқауының облыстық кезеңі өтті

• 12 қыркүйек 2023
• Оқылған саны: 1006

«Қазақшаң қалай, балақай?» байқауының облыстық кезеңі өтті

«Балаларды ерте дамыту» институтының іс-шаралар жоспарына сәйкес 2023 жылғы 12 қыркүйек күні мектепке дейінгі ұйымдар арасында Қазақстан халықтарының тілдері күніне арналған «Қазақшаң қалай, балақай?» байқауының облыстық кезеңі өтті.

Ережеге сәйкес байқауға басқа ұлт өкілдері балаларымен балабақшада жүргізілген «Ұйымдастырылған балалар қызметі», «МДҰ және ата-аналармен ұйымдастырылған бірлескен қызмет», «Тілдер күніне арналған мереке» номинациялары бойынша жұмыстар қатысты.

YouTube платформасындағы бейненің сілтемесі арқылы қатысқан жұмыстар ішінен үздіктер анықталып, республикалық кезеңге қатысуға жолдама алды.

Дұрысбаева Гүлзада Бегалықызы, Ақтау қаласы бойынша білім бөлімінің «Үздік ұйымдастырылған бірлескен әрекет» номинациясы - «№4 «Аққу» бөбекжайының» тәрбиешісі «Киіз үйдің құрылымымен танысамыз» тақырыбында ата-аналармен бірлескен қызметі.

«Үздік ұйымдастырылған балалар қызмет» номинациясы - Мұқашева Айпатша Амангелдіқызы, Ақтау қаласы бойынша білім бөлімінің «№ 58 «Балауса» бөбекжайының» қазақ тілі мұғалімі «Менің отбасым» тақырыбында ұйымдастырылған балалар қызметі.

Жеңімпаздарды құттықтаймыз!