«Мектептегі география пәнін оқытудың жетілдірілген әдістері» тақырыбында семинар өтті.

• 12 наурыз 2024
• Оқылған саны: 15

Білім берудің оқу-әдістемелік орталығының ұйымдастыруымен 2024 жылдың 12 наурыз күні Ақтау қаласы №3 жалпы білім беретін мектебінде облыстық «Мектептегі география пәнін оқытудың жетілдірілген әдістері» тақырыбында семинар өтті.

Аталған іс-шараға 60 педагог қатысты.

Мақсаты: география пәнін оқытуда жетілдірілген әдістерді қолдануды ұсыну, педагогтердің кәсіби шеберлігін шыңдау, әдістемелік деңгейін жетілдіру.

Іс-шара барысында география сабақтарында, құндылыққа бағдарланған білім беру, заманауи әдістемелер мен педагогикалық технологиялар, білім сапасын арттыруда ақпараттық-коммуникативті технологияларды пайдаланудың тиімді, белсенді әдіс-тәсілдері көрсетілді.

Педагогтер білім алушылардың білімге деген талпынысын арттыруға бағытталған тапсырмалар, географиялық есептердің математикалық жолмен шығарылу жолдары бойынша өзара тәжірибе алмасты.

Іс-шараның тәжірибелік кезеңінде:

Маңғыстау ауданы «С.Жаңғабылов атындағы ЖББМ» КММ география пәні мұғалімі Орынбасарова Құндыз Қуанбекқызы «Географиялық деректерді визуализациялауда қолданатын АКТ түрлері»;

Жаңаөзен қаласы «Сүгір Бегендікұлы атындағы №4 ЖББМ» КММ география пәні мұғалімі Тегісбаева Жұлдыз Абдикаликовна «География сабағында тақырыпқа сай нысандарды 3D форматында көрсету»;

Мұнайлы ауданы «№7 ЖББМ» КММ география пәні мұғалімі Жолдыбаева Құндыз Амангелдиевна «Веб-сайтты сабақтарда тиімді пайдалану»;

Бейнеу ауданы «Атамекен атындағы ЖББМ» КММ география пәні мұғалімі Эседжанов Максет «Тоқсан соңында жүргізілетін БЖБ және ТЖБ талдауының оңтайлы тәсілдері»;

Қарақия ауданы «№8 ЖББМ» КММ география пәні мұғалімі Еспулаева Ақкүміс Маратқызы «Педагогтердің аттестациядан өтуі кезіндегі кездесетін қиын сұрақтарды оңтайлы шешу жолдары»;

Түпқараған ауданы «Ғ.Айдаров атындағы №1мектеп-лицей» КММ география пәні мұғалімі Абдуллаева Ақтоты Сабырғалиқызы «Түпқараған ауданының географиясы» оқу-әдістемелік құралының таныстырылымы»

Бейнеу ауданы, «Ы.Алтынсарин атындағы ЖББМ» КММ география пәні мұғалімі, облыстық география пәні мұғалімдерінің қауымдастық жетекшісі Сериккали Бекарыс Тулегенұлы «2024 жылға қауымдастық жоспарын таныстыру» тақырыбында ой бөлісті.

Семинар соңында қатысушылар ұсыныс-пікірлерін айтып, ұйымдастырушыларға ризашылықтарын білдірді.