«Музыка сабағын пәнаралық интеграция арқылы оқыту шеберлігі» тақырыбында облыстық семинар өтті.

• 19 наурыз 2024
• Оқылған саны: 18

Білім берудің оқу-әдістемелік орталығының 2024 жылға арналған іс-шаралар жоспарына сәйкес 2024 жылдың 18 наурыз күні Түпқараған ауданының Сайын Шапағатов мектеп-гимназиясында музыка пәні мұғалімдеріне арналған «Музыка сабағын пәнаралық интеграция арқылы оқыту шеберлігі» тақырыбында облыстық семинар өтті.

Семинардың мақсаты - музыка сабағында пәнаралық интеграция арқылы оқушылардың білім ауқымын кеңейту, танымдық қызығушылығын арттыру, музыкалық ұғымдар арасындағы байланысты, музыкалық әлемді біртұтас етіп көрсету.

Семинарда Ақтау қаласының №29 жалпы білім беретін мектебінің музыка пәні мұғалімі Тұржанова Назира Елемесқызы мен бастауыш сынып мұғалімі Дуванова Алия Кемалатдинқызы музыка және әдебиеттік оқу пәндеріні кіріктіре отырып 2-сыныпқа «Мерекелік әндер мен күйлер. «Наурыз» әні», Ақтау қаласының №20 жалпы білім беретін мектебінің музыка пәні мұғалімі Нурланова Камажай Амантурлиевна мен бастауыш сынып мұғалімі Оңдасынова Оңайгүл Оңдасынқызы 3-сыныпқа музыка пәнін дүниетану пәнімен байланыстыра отырып «Су әуені», Мұнайлы ауданының №15 жалпы білім беретін мектебінің музыка пәні мұғалімі Махан Тамара Қалдарқызы мен ағылшын тілі пәні мұғалімі Сулайманов Марлен Кдырбаевич музыка мен ағылшын тілі пәндерін кіріктіре отырып 6-сыныпқа «Кино және музыка», Бейнеу ауданының Ә.Жангелдин атындағы жалпы білім беретін мектебінің музыка пәні мұғалімі Аманбаева Гүлбану Смағұлқызы мен тарих пәні мұғалімі Сейілханова Нұршат Саришанқызы музыка пәні мен тарих пәндерін біріктіре отырып 5-сыныпқа «Еуропа халықтарының музыкалық дәстүрі. Италия және Испания», Түпқараған ауданының Сайын Шапағатов мектеп-гимназиясының музыка пәні мұғалімі Ізбергенова Салтанат Талғатқызы мен тарих пәні мұғалімі Есжанов Исламбек Нұрболатұлы 6-сыныпқа «Кино және музыка» тақырыптарында ашық сабақтар өткізді.

Семинар соңында Білім берудің оқу-әдістемелік орталығының директорының орынбасары Жұмабаева Жемісгүл Жеткізгенқызы мен қоғамдық-гуманитарлық бөлімнің жетекшісі Молдажанова Жансая Құттымұратқызы семинарды қорытындылап, қатысушылардың ұсыныс-пікірлерін тыңдап, кері байланыс орнатып, әдістемелік көмек берді.

Облыстық семинарда өздерінің іс-тәжірибесімен бөліскен пән мұғалімдеріне Білім берудің оқу-әдістемелік орталығының сертификаттары табысталды.

Барлық семинарға қатысқан және ашық сабақ өткізген әріптестерімізге алғысымызды білдіреміз.