«Педагогтерді әдістемелік қолдау: проблемаларды шешу жолдары» семинар

• 16 наурыз 2023
• Оқылған саны: 5896

«Педагогтерді әдістемелік қолдау: проблемаларды шешу жолдары» тақырыбында семинар өткізілді.

Оқу-ағарту министрінің тапсырмасын орындау, педагогтерге әдістемелік қолдау көрсету мақсатында 2023 жылғы 15-16 наурызда Маңғыстау облысы Білім басқармасы мен Білім берудің оқу-әдістемелік орталығының ұйымдастыруымен Ы. Алтынсарин атындағы Ұлттық білім академиясының Әдістемелік қызметті үйлестіру және педагогті кәсіби дамыту орталығының жетекші сарапшысы С.С. Жұманова мен Инклюзивті білім беру орталығының директоры, PhD, қауымдастырылған профессор Л.А.Бутабаеваның қатысуымен «Педагогтерді әдістемелік қолдау: проблемаларды шешу жолдары» тақырыбында семинар өткізілді.

Семинар барысында «Авторлық бағдарламаларды дайындау жолдары» және «Инклюзивті білім беру ортасын құру» тақырыптары талқыланып, аттестациялаудан өту туралы да түсіндірме жұмыстары жүргізілді.

Аталған шараға облыстың барлық әдістемелік орталықтарының директорлары, әдіскерлері, жалпы білім беру ұйымдарының әдіскерлері мен педагогтері, психологтері сонымен қатар инклюзивті білім беру мамандары қатысып, Ұлттық білім академиясының өкілдерінің тың ақпараттарымен таныса отырып, өздерінің көкейкесті сұрақтарына жауап алды және кері байланыс барысында ұстаздар өздерінің алғыстарын білдіріп, семинардың тиімді болғанын атап өтті.