Облыстық оқу-әдістемелік және қосымша білім беру орталығы : Орталық жаңалықтары : «Тілші мұғалімдер - 2024» облыстық олимпиадасы басталды (1ші күн)

«Тілші мұғалімдер - 2024» облыстық олимпиадасы басталды (1ші күн)

22 ақпан 2024
Оқылған саны: 5

Бүгін білім берудің оқу-әдістемелік орталығының іс-шаралар жоспарына сәйкес, Ақтау қаласындағы №10 жалпы білім беретін мектепте қазақ тілі мен әдебиеті, орыс тілі мен әдебиеті, ағылшын тілі пәні мұғалімдеріне арналған облыстық «Тілші мұғалімдер - 2024» олимпиадасы басталды.

Тілші мұғалімдер олимпиадасының мақсаты – педагог кәсібінің мәртебесін арттыру және жоғары жетістіктері бар педагогтерді анықтау.

«Жеке дарын жетілмейді, дарындар сайыса жүріп, бірін-бірі жетелейді» демекші, облыстық олимпиадаға аудандық, қалалық кезеңдердің жеңімпаздары болған 22 педагог қатысты.

Қатысушылар олимпиаданың бірінші күні – теориялық кезеңде педагогикалық идея, грамматикалық талдау тапсырмалары және эссе жазудан сынға түсті.

Екі күн бойы өтетін олимпиаданың әділқазылар алқасы республикалық «Үздік педагог» байқауының жеңімпаздары, облыстық пәндер қауымдастығының мүшелері мен былтырғы жеңімпаздардан құрылған.

Олимпиаданың екінші күні – практикалық кезең 23 ақпан күні жалғасын табады. Ертең мұғалімдер жеребе арқылы анықталған сыныптарына ашық сабақ өткізетін болады.

Олимпиадаға қатысушы мұғалімдерге сәттілік тілейміз!