Ақтау қаласының №11 «Кәусәр», №23 «Ақмоншақ» бөбекжайларының педагогтеріне әдістемелік көмек көрсетілді.

• 18 мамыр 2023
• Оқылған саны: 1016

2023 жылғы 18 мамыр күні Білім берудің оқу-әдістемелік орталығының іс-шаралар жоспарына сәйкес, Ақтау қаласының №11 «Кәусәр», №23 «Ақмоншақ» бөбекжайларының педагогтеріне әдістемелік көмек көрсетілді.

Әдістемелік көмек тобының мақсаты: мектепке дейінгі білім жүйесіндегі педагогикалық үрдісті ұйымдастыруда жаңашыл әдіс-тәсілдерді қолдану, оқыту мен тәрбиелеуде инновациялық ойын технологиясының элементтерін пайдалану бойынша іс-тәжірибелерімен бөлісу.

Теориялық бөлімде Білім берудің оқу-әдістемелік орталығының мектепке дейінгі және бастауыш білім беру бөлімінің жетекшісі Ұ.Аманчаева: «Педагогикалық тәлімгерлікті ұйымдастыру»;

Білім берудің оқу-әдістемелік орталығының мектепке дейінгі және бастауыш білім беру бөлімінің әдіскері Г.Қиянова: «Заттық - кеңістік дамытушы ортаны құруға ұсынымдар»;

Ақтау қаласының №44 «Шаттық» бөбекжайының әдіскері А. Қошмұрзаева: «Жаңа инновациялық технологияларды мектепке дейінгі ұйымдарда тиімді пайдалану жолдары»;

Жаңаөзен қаласының №12«Рахат» бөбекжайының әдіскері М.Бимағанбетова: «Мектепке дейінгі ұйымның оқу-тәрбие жұмыстарында басшылыққа алатын негізгі нормативтік құжаттар» тақырыптарында әдістемелік көмек берді.

Практикалық бөлімде бөбекжайлардың техникалық–базалық жағдайымен танысып, заттық – дамытушы орталықтарды жасақтауға ұсыныстар айтылды.

Сауалнама арқылы жүргізілген жұмыстар бойынша кері байланыс жасалып, педагогтер әдістемелік көмек тобына ризашылықтарын білдірді.