Облыстық оқу-әдістемелік және қосымша білім беру орталығы : Орталық жаңалықтары : ББЖМ БОЙЫНША ПИЛОТТЫҚ МЕКТЕПТЕРГЕ ДАМУ БАҒДАРЛАМАСЫН ТҮСІНДІРУ ВЕБИНАРЫ ӨТТІ

ББЖМ БОЙЫНША ПИЛОТТЫҚ МЕКТЕПТЕРГЕ ДАМУ БАҒДАРЛАМАСЫН ТҮСІНДІРУ ВЕБИНАРЫ ӨТТІ

20 ақпан 2024
Оқылған саны: 20

Білім берудің оқу-әдістемелік орталығының ұйымдастыруымен 2024 жылдың 15 ақпан күні республикалық «ББЖМ: 1000 мектеп» пилоттық жобасында енген 19 мектепке даму бағдарламасын ҚР Оқу-ағарту министрінің 28.08.2023ж. «Мектепке дейінгі, орта, техникалық және кәсіптік, орта білімнен кейінгі білім беру ұйымдарын дамыту бағдарламасының құрылымын және оны әзірлеу қағидаларын бекіту туралы» №273 бұйрыққа сәйкестендіріп, өзгеріс енгізу туралы вебинар өтті.

Вебинарға оқу-әдістемелік орталықтың басшылары мен әдіскерлері, менторлар және 19 мектептің директорлары мен орынбасарлары қатысты.

Вебинар барысында оқу-әдістемелік орталықтың директоры Ж.Үмбетова мектептерге даму бағдарламасын құру барысында нені басшылыққа алу керек, неге мән беру керектігі жөнінде кіріспе сөз сөйледі.

Орталықтың директорының орынбасары Ж.Жұмабаева мектептің даму бағдарламасының құрылымы, мектептің миссиясы мен пайымы, нысаналы индикаторлар, және оларға іс-шараларды қалай салу керектігі жөнінде толыққанды түсінік жұмыстарын жүргізді.