Жалпы білім беретін мектептердің педагогтеріне арналған облыстық вебинар өткізілді.

• 11 мамыр 2024
• Оқылған саны: 13

Білім берудің оқу-әдістемелік орталығының іс-шаралар жоспарына сәйкес, әдістемелік қолдау көрсету және іс-тәжірибе тарату мақсатында 2024 жылдың мамыр айының 10 күні облыс көлеміндегі жалпы білім беретін мектептердің педагогтеріне арналған облыстық вебинар өткізілді.

Вебинардың мақсаты - Жаңа педагогикалық идеялар мен білім беру технологияларын пайдалану арқылы оқушылардың пәнге деген қызығушылығын арттыру, оқушылар шығармашылығын дамыту, білім сапасын арттыру.

Вебинарға әр аудан/қаладан және облыстық білім беру ұйымдарының барлық пән мұғалімдері қатысты.

Вебинарда аудан/қаладан 6 баяндамашы тәжірибелерімен бөлісті:

Сайлаубаева Айымгул Азирбайқызы, Ақтау қаласы, М.Әуезов атындағы №20 жалпы білім беретін орта мектептің информатика пәні мұғалімі «Жасанды интеллект Wonderchat, Magic School платформаларын білім беру жүйесіндегі мүмкіндіктері"

Отегенова Нургул Базарбаевна, Бейнеу ауданы, Абай жалпы білім беретін орта мектебінің информатика пәні мұғалімі «Сабақта білім беру платформаларын тиімді қолдану жолдары»;

Байғожаева Гүлжанат Мусағалиқызы, Ақтау қаласы, № 30 жалпы білім беретін орта мектептің информатика пәні мұғалімі «Цифрлық білім беру ортасы – білім берудің жаңа мүмкіндіктері»;

Молбаева Айдана, Маңғыстау ауданы М. Атымов атындағы жалпы білім беретін орта мектебінің информатика пәні мұғалімі «Цифрлық білім беру әдістерін тиімді қолдану»;

Исметова Даметкен Джалгасовна, Бейнеу ауданы, Бейнеу лицейінің информатика пәні мұғалімі «Заманауи технологияларды түсіну және оларды қауіпсіз және тиімді пайдалану, ақпаратпен дұрыс жұмыс істеу дағдылары»;

Икасбаева Айгүл Сыдыковна, Бейнеу ауданы, Манашы жалпы білім беретін орта мектебінің информатика пәні мұғалімі «Мектептегі цифрлық білім беру ортасы».

Вебинарда педагогтер іс-тәжірибе алмасып, cұрақ-жауап қойып, пікірлерімен бөлісті.