Құндылыққа толы қоңырау», «Кітап оқы да, жеңімпаз бол!» жобаларының тиімділігі» тақырыбында облыстық тәжірибелік семинар өтті.

• 20 сәуір 2024
• Оқылған саны: 14

Бүгін Ақтау қаласындағы Нұрлыхан Бекбосынов атындағы Маңғыстау энергетикалық колледжінде «Оқуға құштар колледж» жобасын жүзеге асыруда «Құндылыққа толы қоңырау», «Кітап оқы да, жеңімпаз бол!» жобаларының тиімділігі» тақырыбында облыстық тәжірибелік семинар өтті.

«Оқуға құштар колледж» жобасын жүзеге асырудағы кіші жобалардың тиімділігін арттыру мақсатында өткен семинарға өңірдегі колледждерден басшының тәрбие жөніндегі орынбасарлары мен кітапханашылардан барлығы 40-қа жуық адам қатысты.

Семинарда студенттердің қоңырау кезіндегі бос уақытын тиімді пайдалануға арналған «Бір қалам – бір мақал», «Күй тартып, сыйлық ал!», «Жеміс сыйы», «Тегіңді білсең, түгелсің», «Табақ тарта білесің бе?», «Тәтті құрт», «Асық алаңы» ойындары семинарға қатысушылар арасында ұйымдастырылды.

Өңірдегі техникалық және кәсіптік, орта білімнен кейінгі білім беру ұйымдарынан келген мамандар мақал айтып, қалам ұтты; күй тартып, тәттілерге ие болды; дойбы ойнап, жемістер жинады. Табақ тартудың да шеберлері суырылып, алға шықты. Тәтті құртты ұтып алғандар да болды. Қатысушылар осы жеті аралдан өте жүріп, Н. Бекбосынов музейімен танысты.

Нұрлыхан Бекбосынов атындағы Маңғыстау энергетикалық колледжі басшысының тәрбие жөніндегі орынбасары А. Сәтберген «Ұлттық тәрбие: Ұлылық. Тектілік. Құндылық» тақырыбында ТЕD-х форматында жоба аясындағы жұмыстарымен, олардың нәтижесімен бөлісе отырып, қатысушыларға кітап оқытты, сол бойынша сұрақ қойды. Жеңімпаздарға Н.Жантурин атындағы драма театрында өтетін «Көке» қойылымына 10 адамға билет табыстады.

Кітапханашы тарапынан квест ойыны ойналды, жеңімпаз команда себет толы жемісті ұтып алды.

Семинар студенттердің дебат ойынымен қорытындыланып, қатысушылар ұсыныс-пікірлерін, алғыстарын білдірді.