Тәрбие бағытында жүрмелі әдістемелік көмек көрсетілді.

• 18 қаңтар 2024
• Оқылған саны: 821

Оқушылардың білім сапасын арттыру мәселесі бойынша педагогтерге әдістемелік көмек көрсету-бүгінгі заманның басты талабы.

Осы орайда Білім берудің оқу-әдістемелік орталығының 2024 жылға арналған іс-шаралар жоспарына сәйкес бүгін №12 жалпы білім беретін мектебінде Ақтау қалалық №12,17,21 жалпы білім беретін мектептерінің мамандарына тәрбие бағытында жүрмелі әдістемелік көмек көрсетілді.

Әдістемелік көмекте: Нормативтік құжаттармен таныстыру; Тәрбие жұмысының жоспарын құру; Жас мамандармен жүргізілетін жұмыстарды жандандыру; Мектептегі психологиялық қызмет жұмысы; Дефектологтер мен логопедтердің жұмыс жоспары; Ерекше білім беру қажеттіліктері бар білім алушылармен жұмыс істеу ерекшеліктері; Озат тәжірибелерді зерттеу, насихаттау, тарату; Әлеуметтік педагогтің оқу жылына арналған жұмыс жоспарын құру; Республикалық жол карталарының, облыстық кешенді жоспарлар, іс-шаралардың жүзеге асырылуы, бекітілген орындалу мерзімдеріне сәйкес  тұрақты қадағалап отыруды қамтамасыз ету; сынды тақырыптарда мамандарға нақты бағыт-бағдар берілді.