Жаңаөзен қаласы бойынша тәрбие бағытындағы қауымдастығының және психологиялық кеңес қызметінің жылдық есебі қашықтықтан тыңдалды.

• 2 мамыр 2024
• Оқылған саны: 574

Бүгін, 2 мамыр күні Жаңаөзен қаласы бойынша тәрбие бағытындағы (директордың тәрбие ісі жөніндегі орынбасарлары, педагог-психологтер, әлеуметтік педагогтер) қауымдастығының және психологиялық кеңес қызметінің жылдық есебі қашықтықтан тыңдалды.

Қатысушылар: Жаңаөзен қаласының жалпы және кәсіптік білім беру ұйымдарының тәрбие бағытындағы мамандар, барлығы 61 (директордың тәрбие жөніндегі орынбасары – 23, педагог-психолог – 21, әлеуметтік педагог – 17) маман қатысты.

Директордың тәрбие ісі жөніндегі орынбасарларының қауымдастығының жүргізілген жұмыстарының есебі – Азаматов Бауыржан Жалғасбайұлы, №7 жалпы білім беретін мектептің директордың тәрбие ісі жөніндегі орынбасары;

Психологиялық кеңес қызметі жұмысының есебі – Умарбаева Нұргүл Мұсақызы, Жаңаөзен қалалық оқу-әдістемелік орталығының психолог әдіскері баяндады;

Отырыс соңында қатысушылардың ұсыныс-пікірлері тыңдалып, жұмысты одан әрі дамыту жолдары талқыланды.