«Оқушылардың оқу сауаттылығын арттырудағы кітап оқудың тиімділігі» тақырыбында облыстық вебинар өтті

• 28 наурыз 2024
• Оқылған саны: 17

Білім берудің оқу-әдістемелік орталығының және облыстық мектеп кітапханашылары қауымдастығының іс-шаралар жоспарларына сәйкес, 2024 жылдың 28 наурызы күні ZOOM платформасы арқылы онлайн форматта «Оқушылардың оқу сауаттылығын арттырудағы кітап оқудың тиімділігі» тақырыбында облыстық вебинар өтті.

Вебинарға аудандық, қалалық оқу-әдістемелік орталығының әдіскерлері мен мектеп кітапханашылары, барлығы 75 адам қатысты.

Ақтау қаласы IT мектеп-лицейінің кітапхана меңгерушісі Утепбаева Назгүл Оразалиевна «Жасөспірімдерді кітап оқуға қызықтыру жолдары»;

Жаңаөзен қаласы №1 жалпы білім беретін мектебінің кітапханашысы Токтасинова Хыдыр Билтеновна «Оқырманға қызмет көрсету сапасын арттырудағы жаңашылдық»;

Түпқараған ауданы Ақшұқыр мектеп-лицейінің қазақ тілі мен әдебиеті пәні мұғалімі Жаңабергенова Мейрамгүл Сакидоллақызы «Оқытудың визуалды әдістерін қолдану арқылы оқуға құштар оқушы қалыптастыру»;

Маңғыстау ауданы Қаратөбе жалпы білім беретін мектебінің кітапханашысы Аймурзаева Жанар Жолдасқызы «Мектеп кітапханасы – ақпараттық алаң» тақырыптарында өз тәжірибелерімен бөлісті.

Көркем әдебиеттерді оқыту арқылы оқушылардың оқу сауаттылығын дамыту, «Оқуға құштар мектеп» жобасы аясында жалпыадамзаттық және ұлттық құндылықтарды кітап оқу арқылы жүзеге асыру мақсатында өткізілген вебинар соңында қатысушылар ұсыныс-пікірлерін айтып, ұйымдастырушыларға ризашылықтарын білдірді.