«Пікірсайыс –болашақ ел тізігінін ұстайтын элиталарды тәрбиелеуші құрал» тақырыбында семинар өтті

• 14 ақпан 2024
• Оқылған саны: 24

«Пікірсайыс –болашақ ел тізігінін ұстайтын элиталарды тәрбиелеуші құрал» тақырыбында семинар өтті

Облыстық білім берудің оқу-әдістемелік орталығының ұйымдастыруымен 2024 жылы 14 ақпан  күні «Пікірсайыс –болашақ ел тізігінін ұстайтын элиталарды тәрбиелеуші құрал» тақырыбында семинар өтті. 

Қоғамда орын алатын мәселелерді жариялы талқылау арқылы білім алушылардың әлеуметтік және шығармашылық белсенділігін арттыру  мақсатында өткен семинарға   техникалық және кәсіптік білім беру ұйымдарындағы дебат клубтарының мүшелері (студенттер) мен жетекшілері барлығы 60-қа жуық адам қатысты. 

Облыстық  семинарда төмендегі спикерлер: 

Ш.Есенов атындағы Каспий мемлекеттік технологиялар және инжиниринг университетінің ІІ курс студенті   Тұрлыбекова Алмат Асқарұлы «Пікірсайыс кіріспесі»;

Жаңаөзен қызмет көрсету және жаңа технологиялар колледжінің тәрбие ісі жөніндегі орынбасары  Кисбаев Юсуф «Студенттердің белсенділігін арттыру алгоритмі»;

Жас қанат мектеп-лицейінің оқытушысы Еділбаев Ернар Әділбайұлы «Жетістікке жету жолдары» тақырыптарында TedX форматында өз іс-тәжірибелерімен бөлісті.

Шара соңында М.Тынышпаев атындағы Ақтау көлік колледжінің «Шарайна» дебат клубы мен Каспий өңірі «Болашақ» колледжінен «Ой-зерек» дебат клубынан құралған командалар арасында  «Жастарға ең керегі рухани құндылық емес, материалдық қажеттілік деп есептейді» тақырыбында дебаттық кездесу ұйымдастырылды.

Дебаттық ойынның нәтижесі төрағалар тарапынан талқыланып, командалардың ойын барысындағы кемшіліктерімен жетістіктеріне  тоқталды..

Семинар соңында  қатысушылар өз ұсыныстары мен пікірлерін білдіріп, ұйымдастырушыларға алғыстарын айтты.