Біріккен Араб Әмірлігінде өткен Emirates Skills XV ұлттық чемпионат өз мәресіне жетті.

• 26 сәуір 2024
• Оқылған саны: 556

Біріккен Араб Әмірлігінде өткен Emirates Skills XV ұлттық чемпионат өз мәресіне жетті. Атаулы додаға 26 құзіреттілік бойынша 17 елдің өкілдері қатысты. Чемпионатта қазақстандық колледж студенттері де бақ сынаған болатын.

«Графикалық дизайн» Сәрсенғали Ақмерей мен «Өнеркәсіптік автоматика» құзіреттілігі бойынша Алдамжаров Әлібек еліміздің атынан қатысып, екеуі де Қазақстанның қоржынына күміс медальдар қосты!

Алдамжаров Әлібек Қыдырұлы пен Сарсенғали Ақмерей Саятұлы Жаңаөзен қаласында орналасқан Оразмағанбет Тұрмағанбетұлы атындағы Маңғыстау индустриалды техникалық колледждің студенттері, республикалық чемпионаттың жеңімпаздары.

Алдамжаров Әлібек Қыдырұлы - Оразмағанбет Тұрмағанбетұлы атындағы Маңғыстау индустриалды техникалық колледжінің «Технологиялық процестерді автоматтандыру және басқару» мамандығы бойынша түлегі, қазіргі таңда Өндірістік оқыту шебері ретінде колледжде қызмет етіп келеді.

Сарсенғали Ақмерей Саятұлы - Оразмағанбет Тұрмағанбетұлы атындағы Маңғыстау индустриалды техникалық колледжінің «1305000-Ақпараттық жүйелер” мамандығының бітіруші топ студенті.