Қаржылық сауаттылықты арттыру бағытында коучинг өтті

• 17 қараша 2023
• Оқылған саны: 11882

2023 жылғы 17 қараша күні білім берудің оқу-әдістемелік орталығының ұйымдастыруымен Маңғыстау облысы әкімінің орынбасары Ұ.Тналиевтің «Қоғамда еңбек құндылығы идеологиясын ілгерілетудің 2023-2025 жылдарға арналған кешенді жоспарын Маңғыстау облысында іске асыру жөніндегі өңірлік іс-шаралар жоспарын» орындау мақсатында «Қаржылық сауаттылық: кіріс пен шығынды реттеу» тақырыбында коучинг өтті.

Х. Өзбекғалиев атындағы Маңғыстау политехникалық колледжі базасында өткен шараға Ақтау қаласында орналасқан техникалық және кәсіптік, орта білімнен кейінгі білім беру ұйымдарының оқытушыларынан барлығы 30-ға жуық адам қатысты.

Коучингті Маңғыстау өнер колледжі басшысының оқу-өндірістік жұмыстар жөніндегі орынбасары, коуч-тренер Сдыкова Гулшат Габиденқызы жүргізіп, түрлі әдіс-тәсілдер арқылы қаржылық сауаттылықты арттыру бағытында мағлұмат берді.

Шара соңында қатысушылар өз ұсыныстары мен пікірлерін білдіріп, алғыстарын айтты.

https://www.youtube.com/watch?v=FnYH8PYqRq4&t=5s