Курсқа қатысушылар іс-тәжірибемен бөлісті

• 24 қаңтар 2025
• Оқылған саны: 2006

2025 жылғы 24 қаңтар күні техникалық және кәсіптік, орта білімнен кейінгі білім беру ұйымдарының колледж басшылары, басшы орынбасарлары мен әдіскерлерін курстан кейінгі қолдау, тәжірибе алмасу мақсатында «Тәжірибеге негізделген кері байланыс» тақырыбында облыстық семинар өтті.

Семинарға техникалық және кәсіптік білім беру ұйымдарының басшылары, басшының оқу-өндірістік жұмысы, ақпараттық технологиялар бойынша орынбасарлары, әдіскерлер, арнайы пән оқытушыларынан барлығы 50-ге жуық адам қатысты.

Семинар барысында:

- Түпқараған гуманитарлық-кәсіптік колледжінің басшысы Нурадинов Ілес Еркінұлы – «Қазіргі білім беру саласындағы менеджмент: нарық сұраныстарына бейімделу және бәсекеге қабілеттілік»;

- Нұрлыхан Бекбосынов атындағы Маңғыстау энергетикалық колледжі басшысының оқу-өндірістік жұмысы бойынша орынбасары Сдыкова Гулшат Габиденовна және Ақтау технологиялық қызмет көрсету колледжі басшысының кәсіптік бағдар беру жұмыстары бойынша орынбасары Епенова Зинаида Анесқызы – «Қазіргі білім беру жүйесіндегі оқу-өндірістік жұмыстың рөлі: кәсіптік бағдар мен түлектің бәсекеге қабілеттілігін арттыру»;

- Маңғыстау туризм колледжінің әдіскері Епенова Лимон Бисенқызы – «Фасилитация әдістерін әдістемелік жұмыста пайдалану: Фасилитация құралдары мен техникалары»,

- Мұрын жырау Сеңгірбекұлы атындағы Маңғыстау жоғары педагогикалық колледжі басшысының ақпараттық технологиялар бойынша орынбасары Көшерова Айғаным Есқазықызы – «Жасанды интеллект: трендтер мен инновациялар» тақырыптарында баяндама жасап, шебер сыныптар өткізді.

Спикерлер 2023/2024 оқу жылы ағымында өткен біліктілік арттыру курстарында алған білімдерін практикамен ұштастыра отырып, семинар қатысушыларымен іс-тәжірибе алмасты.

Шара соңында семинар қатысушылары ұсыныс-пікірлерін білдірді.