Мектепке дейінгі ұйымдарда құзіреттілік орталықтарын қалыптастыру» тақырыбында әдістемелік көрсету

• 21 ақпан 2024
• Оқылған саны: 17

20.02.2024 ж. Облыстық мобильдік топ жоспарына сәйкес «Мектепке дейінгі ұйымдарда құзіреттілік орталықтарын қалыптастыру» тақырыбында әдістемелік көрсету мақсатында Жаңаөзен қаласында №11 «Теңге» және «Ақмарал» бөбекжайларында семинар ұйымдастырылды.

Шара бағдарламасы бойынша Білім берудің оқу-әдістемелік орталық директордың орынбасары Жұмабаева Жеміскүл Жеткізгенқызы, «Мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидаларын бекіту туралы» Қазақстан Республикасы Мәдениет және спорт министрінің 2023 жылғы 25 тамыздағы № 236 бұйрығы бойынша мектепке дейінгі ұйым педагогтеріне құжаттамаларды толтыру үлгілерін көрсетіп, құжаттамада жазу тәртібін айтып өтті.

Мектепке дейінгі және бастауыш білім беру бөлімі әдіскері Тулеуғалиева Гүлайым Бектұрқызы бөбекжай педагогтеріне МДҰ оқу-тәрбие жұмыстарында басшылыққа алатын негізгі нормативтік құжаттар (№137, 557, 130, 236 бұйрықтар) тізімін көрсетіп, олардың педагогтердің жұмысын реттеуге қалай негіз болатындығын атап айтты. Сонымен қатар молбильдік топтың жұмыс мазмұнын, мақсаты мен міндеттерін хаюарлап, құзіреттілік орталықтары болып табылатын бөбекжайлардың сапасын арттыруға жұмыс жүргізетінін айтты.

Ақтау қаласы №33 «Әлия» бөбекжайының әдіскері , облыстық мобильді топ жетекшісі, Қарабатыр Инабат Қайратқызы, МДҰ НҚҚ басшылыққа ала отырып білім беру үдерісін табысты жоспарлаудың шарттарын айта отырып, педагогтермен тәжірибелік жұмыстар жасады.

Маңғыстау ауданы, Оқу-әдістемелік орталық әдіскері, аудандық мобильді топ жетекшісі Жалжанова Назгүл Қуантқанқызы «Мектепке дейінгі мекемелерде заттық дамытушы ортаны құру» тақырыбында бөбекжайда бала жастарын ескеріп топты безендіру, заттық ортаны құрудың тиімді жолдарын көрсетіп, іс-тәжірибесімен бөлісіп, кеңес берді.