Облыстық психологиялық кеңес қызметінің тоқсандық есебінің тыңдауы

• 3 қараша 2021
• Оқылған саны: 2023

2021 жылдың 2 қараша күні Облыстық психологиялық кеңес қызметінің іс-шаралар жоспары аясында Білім берудің оқу-әдістемелік орталығы директорының тәрбие ісі жөніндегі орынбасары А. Мамаева мен психолог Г. Койтанова Мұнайлы ауданының психологиялық кеңес қызметінің есебін тыңдады.

Тақырыбы: «Облыстық білім беру ұйымдарындағы кәмелетке толмағандардың құқықбұзушылығын болдырмау үшін жұмыс жүйесін дамыту. Мұнайлы ауданы бойынша құрылған психологиялық кеңес қызметінің есебін тыңдау».

Семинарға, аудандық оқу-әдістемелік орталығының әдіскері, психологиялық кеңес қызметінің төрағасы, жалпы білім беру ұйымдарының директордың тәрбие ісі жөніндегі орынбасарлары, педагог-психологтары, әлеуметтік педагогтары және аудандық ювеналды полиция қызметкері, емхана бөлімінің маманы қатысты.

Мұнайлы ауданы білім бөлімінің тәрбие бөлімінің бас маманы, Психологиялық кеңес қызметінің төрайымы Ш.Ө.Жасанова семинар бағдарламасымен, спикерлерлермен таныстырды.

1. Кабулова Азиза Хайтбаевна (Мұнайлы ауданы №4 ЖББМ директорының тәрбие ісі жөніндегі орынбасары) «Кәмелетке толмағандардың арасында құқықбұзушылық пен қылмыстың алдын алу, құқықтық санасын тәрбиелеу»;

2. Джайлханова Анар Нугаевна (Мұнайлы ауданы педагог-психологы) «Құқықбұзушылықтың алдын алуда психологиялық қолдау және ағарту жұмыстары» тақырыптарында аудан бойынша психологиялық кеңес қызметінің жұмыстарына презентация жасап, нәтижесін көрсетті.

Қатысушыларға аудандық кеңес қызметінің төрайымы сұрақтар қойып, дер кезінде жіберілген кемшіліктердің алдын алуды ескертті.

Г. Қойтанова кәмелетке толмағандарға қатысты зорлық-зомбылық және қатыгездікпен қарау фактілерінің алдын алуда білім алушылардың және барлық профилактика субъектілерінің заңды өкілдерін педагог-психологтармен ақпараттандыру алгоритмімен таныстырып, осы алгоритмді жұмыс барысында қолдануға тапсырма берді.